મુખવાસ (ભાગ-6) – સંકલિત - Best Gujarati Quotes

[1] ઉતાવળે પરણીને આપણે નિરાંતે પસ્તાઈએ છીએ !

[2] ભેગા થવું એ શરૂઆત છે, ભેગા રહેવું તે પ્રગતિ છે, પરંતુ ભેગા મળી કામ કરવું તે સફળતા છે.

[3] ‘નથી’ તેની ચિંતા છોડશો તો ‘છે’ તેનો આનંદ માણી શકશો.

[4] જીભ કદાચ તોતડી હશે તો ચાલશે, પરંતુ તોછડી હશે તો નહિ ચાલે.

[5] મેળવજો નીતિથી, વાપરજો પ્રીતિથી, ભોગવજો રીતિથી, તો બચી જશો દુર્ગતિથી.

[6] દુશ્મન કરતાં દોસ્તને માફ કરી દેવાનું કામ વધુ કપરું છે…!!

[7] જરૂર કરતાં વધારે જમવું એટલે સ્મશાનમાં જવું !

[8] પત્નીની વાત પતિ ખરેખર સાંભળતો ત્યારે હોય છે, જ્યારે પોતાની પત્ની ઉચ્ચારતી ન હોય તેવો શબ્દેશબ્દ એ સમજી જતો હોય !

[9] લગ્ન જીવન સફળ બનાવવા માટે અનેક વાર પ્રેમમાં પડવું જરૂરી છે – હંમેશા એની એ વ્યક્તિ સાથે.

[10] માતાનું હૈયું એ શિશુની શાળા છે.

[11] એક કુટુંબનું જે નિર્માણ કરે છે ને તેને ટકાવી રાખે છે, અને જેના હાથ હેઠળ બાળકો ઊછરીને ખડતલ ને ચારિત્ર્યવાન નરનારીઓ બને છે, તે નારીનું સ્થાન એકમાત્ર ઈશ્વરની પછી આવે છે.

[12] સફળતાની સડક એવા પુરુષોથી ભરચક હોય છે – જેમને પીઠ પાછળથી એમની પત્નીઓ આગે બઢાવતી હોય છે.

[13] સર્જનહારની સમસ્ત સૃષ્ટિમાં સુંદરમાં સુંદર ને સૌથી દિવ્ય છે બાળકો.

[14] પ્રાણ એ પ્રથમ ભેટ, સ્નેહ એ બીજી અને સમજણ એ ત્રીજી.

[15] વસ્તુની નજીક જઈએ એટલે એનું સૌંદર્ય પ્રગટ થાય છે, પણ એનું કાવ્ય તો દૂરથી જ ખીલે છે.

[16] માણસ ફુલાવાનું જલ્દી સ્વીકારે છે, યોગ્ય રીતે પણ સંકોચાવાનું નહીં !

[17] સૌને મન ભરીને માણવું છે, જીવવું છે- પણ મન ક્યારેય ભરાતું નથી, પેટની જેમ !

[18] વ્યક્તિની પ્રસન્નતા એની આંતરિક સુંદરતા દર્શાવે છે, વિચારો એના મનોજગતના આંદોલનોની સ્થિતિ બતાવે છે અને વર્તન એનાં હૃદયની ભાષા વ્યકત કરે છે.

[19] મનની વિચાર દષ્ટિને પણ મોતિયો આવે છે ખરો !

[20] જીવનનો પહેલો સંઘર્ષ મન સાથે કરવો પડે છે. કારણ કે એને નકારાત્મક વલણનો સહેલો રસ્તો જ પસંદ છે.

[21] માણસને મોતથી વધુ એનાં ‘ડર’ ની બીક લાગે છે !

[22] આદત ધીમેધીમે જરૂરિયાત બની જાય ત્યારે માનવીની મજ્બૂરી જીવનને મૂરઝાવી દે છે.

[23] પૃથ્વી પર લહેરાતાં ફૂલો, ફૂલો પર રહેલાં ઝાકળબિંદુઓ અને બાળકો ઈશ્વરના દસ્તખત છે.

[24] માણસનો વ્યવહાર અને વૃત્તિઓ એનું દર્પણ છે.

[25] આત્મપ્રશંસા જેવું કોઈ ઝેર નથી, આત્મનિંદા જેવું કોઈ અમૃત નથી !

[26] ખાઈમાં પડેલો બચી શકે, પણ અદેખાઈમાં પડેલો ન બચી શકે !

[27] પુરુષના જીવનમાં અહંકાર અને સ્ત્રીના જીવનમાં અલંકાર તોફાનો સર્જે છે.

[29] જે આળસુ છે તેને માટે જ ભગવાને આવતીકાલ સર્જી છે !

[30] માણસ હોંશિયાર છે કે નહીં તે એણે આપેલા જવાબ પરથી આપણે કહી શકીએ. એ શાણો છે કે કેમ તે એના સવાલો પરથી !

[31] લગ્ન પહેલાં તમારી આંખો ખૂબ ઉઘાડી રાખજો, અને પછી અરધી મીંચેલી.

[32] જગતમાં માત્ર બે જ વ્યક્તિ મૂર્ખ છે. એક નિંદા કરનારી અને બીજી, રસપૂર્વક નિંદા સાંભળનારી !

ગાંધીવાણી - Mahatma Gandhi Quotes – સં. ઉર્વીશ વસાવડા

[1] આપણા આટલા બધા દેશવાસીઓને જીવનની પ્રાથમિક જરૂરિયાતો સુદ્ધાં મળતી નથી એ વખતે, આ આલીશાન મકાનમાં રહેવાનો અથવા મારી જરૂરિયાત કરતાં એક તસુ પણ વધારે જગ્યા વાપરવાનો મને શો હક છે, એમ મારી જાતને હું કેટલીકવાર પૂછું છું.

Sometimes I ask myself what right have I to live in this mansion or to use even an inch of room beyond my strict requirement when so many of our countrymen are denied even the elementary decencies of life.

[2] અનુભવે મને એ પણ બતાવ્યું છે કે સત્યના પૂજારીએ મૌનનું સેવન કરવું ઘટે છે. જાણ્યેઅજાણ્યે પણ મનુષ્ય ઘણી વેળા અતિશયોક્તિ કરે છે અથવા જે કહેવા યોગ્ય હોય તે છૂપાવે છે કે જુદી રીતે કહે છે. આવાં સંકટોમાંથી બચવાને ખાતર પણ અલ્પભાષી થવું આવશ્યક છે. થોડું બોલનાર વગર વિચારે નહીં બોલે; પોતાના દરેક શબ્દને તોળશે.

Experience has taught me that silence is part of the spiritual discipline of a votary of Truth. Proneness to exaggerate, to suppressor modify the Truth, wittingly or unwittingly, is a natural weakness of man, and silence is necessary in order to surmount it. A man of few words will rarely be thoughtless in his speech; he will measure every word.

[3] હું કબૂલ કરું છું કે હું ખાલી હાથે પાછો આવ્યો છું. પણ મને એટલો સંતોષ છે કે જે વાવટાની આબરૂ મારા હાથમાં સોંપાઈ હતી તે વાવટો મેં નીચો નમાવ્યો નથી, કે તેની પ્રતિષ્ઠાને કોઈ રીતે ઝાંખપ લાગવા દીધી નથી. મેં નિરંતર એવી કાળજી રાખી છે ને પ્રાર્થના કરી છે, કે મારાથી ગફલતથી કોઈ ક્ષણે કે નબળાઈની કોઈ પળમાં એવું કાંઈ કામ ન થાઓ કે એવું કંઈ વચન ન બોલાઓ જેનાથી મારા દેશનું ગૌરવ ઝાંખું પડે કે મારા દેશભાઈઓએ મારા પર મૂકેલા વિશ્વાસને માટે હું અપાત્ર ઠરું.

I confess of having returned empty handed. But with a deep sense of satisfaction, that I have not let down the glory and prestige of the flag entrusted in my hands. It has always been my prayer to be very careful in seeing that, no action or utterance on my part, even in the moment of weakness or by some mistake, would diminish the pride of my country, or I may prove inadequate to the trust, my countrymen have shown in me.

[4] ઘણાં આધ્યાત્મિક પ્રસંગોમાં, વકીલાતના પ્રસંગોમાં, સંસ્થાઓ ચલાવવામાં, રાજ્યપ્રકરણમાં હું કહી શકું છું કે ‘ઈશ્વરે મને બચાવ્યો છે.’ જ્યારે બધી આશા છોડીને બેસીએ, બંને હાથ હેઠા પડે, ત્યારે ક્યાંક ને ક્યાંકથી મદદ આવીને પડે છે એમ મેં અનુભવ્યું છે. સ્તુતિ, ઉપાસના, પ્રાર્થના એ વહેમ નથી, પણ આપણે ખાઈએ છીએ, પીએ છીએ, ચાલીએ-બેસીએ છીએ, એ બધું જેટલું સાચું છે, તેના કરતાંયે એ વધારે સાચી વસ્તુ છે. એ જ સાચું છે, બીજું બધું ખોટું છે. એમ કહેવામાં અતિશયોક્તિ નથી. આવી ઉપાસના, આવી પ્રાર્થના, એ કંઈ વાણીના વૈભવ નથી. તેનું મૂળ કંઠ નથી પણ હૃદય છે.

But in all my trials – of a spiritual nature, as a lawyer, in conducting institutions and in politics – I can say that ‘God saved me’. When every hope is gone, when helpers fail and comforts flee’ I find that help arrives somehow, from I know not where. Supplication, worship, prayper are no superstition; they are acts more real than the acts of eating, drinking, sitting or walking. It is no exaggeration to say that they alone are real, all else is unreal. Such worship or prayer is no flight of eloquence; it is no lip-homage. It springs from the heart.

[5] મારા ઉપરની તમારી શ્રદ્ધા મને આભો કરી મૂકે છે…. તમારા આટલા બધા વિશ્વાસને હું લાયક છું કે કેમ, એની મને શંકા છે. પણ હું એટલું જાણું છું કે, મારામાં જે કંઈ તાકાત છે તે સર્વથા હું સત્ય અને અહિંસાનો ઉપાસક છું તેને આભારી છે.

Your faith overwhelms me…. I am doubtful whether I deserve all this confidence, but this much I know that whatever strength I may have is entirely due to the fact that I am votary of truth and non-violence. 

હેલ્થ ટિપ્સ : ડૉ. હરીશ ઠક્કર - Health Tips.

• જો દાંતમાં સખત દુખાવો થતો હોય તો એલચી, લવિંગ અને જાયફળના તેલને મેળવીને તે તેલને રૂ થી દુ:ખતા દાંત પર લગાવવાથી દર્દ મટે છે.
• ચામાં અજમાના પાન અને ફુદીનો નાંખી ઉકાળીને પીવાથી ખાંસીમાં રાહત મળે છે.
• કડવા લીમડાની છાલનો ઉકાળો બનાવી તેમાં ગોળ મેળવી ત્રણ દિવસ સુધી રોજ રાત્રે પીવાથી પેટના કૃમિ નીકળી જાય છે.
• તુલસીના બીજનો ઉકાળો બનાવીને પીવાથી માસિક નિયમિત-યોગ્યમાત્રામાં આવે છે.
• ભોજન લીધા પછી રોજ એક ગ્લાસ ગરમ પાણી પીવાથી ગેસ થતો નથી.
• રોજરાત્રે મધ, લીંબુ, ગ્લિસરીન અને ગુલાબજળ મેળવી, પેસ્ટ જેવું બનાવી ત્વચા પર ઘસીને માલિશ કરવાથી ત્વચા સુંવાળી બને છે.
• અજમો અને લસણને સરસવના તેલમાં પકાવી, તે તેલની માલિશ કરવાથી શરીરના દુ:ખાવા મટે છે.
• બે ચમચી લીંબુનો રસ અને એક ચમચી મધ મેળવી વાળના મૂળમાં લગાડી અડધો કલાક રહેવા દઈ વાળ ધોવાં. આ પ્રયોગ નિયમિતરૂપે કરવાથી વાળની તમામ સમસ્યા દૂર થાય છે.
• દાડમની છાલને પાણીમાં પીસી તેની પેસ્ટ બનાવી વાળમાં રાત્રે લગાવીને સવારે વાળ ધોઈ નાંખવા. આ પ્રયોગથી વાળની જૂ અને લીખ મરી જાય છે.
• આંબાના પાનની ભસ્મ બનાવી દાઝેલા સ્થાન પર ઘી સાથે લગાવવાથી રાહત રહે છે.
• ફુદીનાના પાન ચૂસવાથી કે મોઢામાં રાખી ચાવવાથી હેડકી તરત બંધ થાય છે.
• કાળામરીના ચૂર્ણને ઘીમાં મેળવી શરીર પર લગાવવાથી પિત્તની તકલીફ મટે છે.
• ગાયના દૂધની સાથે આમળાના ચૂર્ણનું નિયમિત સેવન કરવાથી આંખનું તેજ વધે છે.
• જરૂર પૂરતાં તેજપત્રને પીસી માથા પર (કપાળ પર) લેપ કરવાથી માથાનો દુ:ખાવો મટે છે.
• કાળા તલ, સાકર અને નાગકેસર રોજ સવારે ખૂબ ચાવીને ખાવાથી મસા શાંત થાય છે.
• ભેંસના દૂધમાં સાકર અને એલચી મેળવી ગરમાગરમ દૂધ પીવાથી અનિદ્રામાં લાભ થાય છે.
• સૂંઠનું ચુર્ણ એક ચમચી ફાકવાથી ઝાડામાં ફાયદો થાય છે.
• વાયુ વધી જવાથી ઊલટી થતી હોય તો અજમો ખાવાથી કે અજમો-મીઠું મોંમા રાખી ચૂસવાથી ઉલ્ટીમાં રાહત થાય છે.
• નિયમિત રીતે ત્રિફળાચૂર્ણ ચોખાના ધોવાણ સાથે લેવાથી શ્વેતપ્રદર મટે છે.
• કાળી દ્રાક્ષ અને આમળાનો રસ 10 ગ્રામ પ્રમાણમાં અને 5 ગ્રામ મધ મેળવીને પીવાથી એસીડીટી મટે છે.
• નિયમિતરીતે કારેલાનો રસ પીવાથી ડાયાબિટીસમાં ફાયદો થાય છે.
• એલચી, લવિંગ અને જાયફળના ચૂર્ણને મધ અને લીંબુથી બનાવેલ ચામાં મેળવીને પીવાથી કબજિયાતમાં આરામ થાય છે.
• કાળા મરીનું ચૂર્ણ સાકર નાખેલા ગરમ ગરમ દૂધ સાથે પીવાથી અવાજ ખૂલે છે.
• કડવા લીમડાની અંતરછાલનો ઉકાળો બનાવી તેમાં મધ નાખીને પીવાથી લાભ થાય છે.
• ઘી અને ગોળ સાથે આમળાંના ચૂર્ણની ગોળીઓ બનાવી લેવાથી પેશાબની બળતરા મટે છે.
• અજમો, તુલસીના પાનનું ચૂર્ણ અને સૂંઠનું ચૂર્ણ સમાન ભાગે લઈ તેમાં મધ નાખીને પીવાથી તાવમાં ફાયદો થાય છે.
• તલનું તેલ નિયમિત રીતે એક ચમચાની માત્રામાં પીવાથી વજન ઘટે છે.
• અશ્વગંધા, શતાવરી, યષ્ટિ મધુ ચૂર્ણ અને ગળો ચૂર્ણનું નિયમિત દૂધ સાથે સેવન કરવાથી શકિત વધે છે.

તમારા શરીરમાં vitamin-C ની ખામી ભારે પડી શકે!

આજકાલ દરેક ઉંમરમાં સ્માર્ટ દેખાવાની ઈચ્છા ધરાવે છે. સ્માર્ટનેસમાં ત્વચાની મહત્વપૂર્ણ ભૂમિકા છે. વિટામિન-સી એક એવું વિટામિન છે જેનો યોગ્ય માત્રામાં સેવન ત્વચાને સ્વસ્થ્ય અને જવાન બનાવે છે. વાસ્તવમાં વિટામિન સીને એસકોરબીક એસિડના નામથી પણ ઓળખવામાં આવે છે. તે શરીરની કોશિકાઓને બાધી રાખે છે. તેનાથી સરીરના વિભિન્ન અંગને આકાર બનાવવામાં મદદ મળે છે. તે શરીરની રક્તવાહિનીઓને મજબૂત બનાવે છે. એટલા માટે જો લાંબી ઉંમર સુધી યુવાન અને નિરોગી રહેવું હોયતો વિટામિન-સીનું પર્યાપ્ત માત્રામાં સેવન કરવું ખૂબ જ જરૂરી છે.

વિટામિન-સીની કમીથી થતા રોગઃ-

-સ્કર્વી, મુખ પીળુ પડી જવું, શરીર નબળુ પડી જવું, શરીરમાં દર્દ, મસૂડા(પેઢા) ફૂલી જવા, ભૂખ ન લાગવી, હાંડકા નબળા પડવા, ચિડિયાપણુ, શરીરની ઈમ્યુનિટિ પાવર ઓછો થવા લાગવો, શરદી ન્યૂમોનિયા જેવા રોગ વારંવાર થવા લાગે છે. કામ કરવાની શક્તિ ઘટી જાય છે. થોડુ કામ કરવાથી પણ થાક લાગે છે.

કેવી રીતે મેળવો વિટામિન-સીઃ-

- વિટામિન-સી પ્રાકૃતિક રીતે સંતરા, લીંબુ, મોસમી ફળોમાં પ્રચુર માત્રામાં જોવા મળે છે. આમળા પણ વિટામિન-સીથી ભરપૂર હોય છે. ધાણા, ટમાટર, મૂળા, પત્તાગોબી, પાલક, બીટ, નાસપત્તિ વગેરે તેના પ્રમુખ સ્ત્રોત છે.

દુકાનમાં અહીં રાખો કેશ કાઉંન્ટર, બિઝનેસ ચાલશે નહીં દોડશે - Vastu Shashtra Tips

દરેક દુકાનદાર ઈચ્ચે છે કે તેની દુકાનમાં ગ્રાહકોની સંખ્યા સતત વધતી રહે, જેથી બિઝનેસમાં નફો થાય. દુકાનની સફળતા ત્યારે જ શક્ય છે જ્યારે દુકાનનો દરેક ભાગ વાસ્તુ સમ્મત હોય. કોઈ પણ દુકાન માટે કેશ કાઉન્ટરની સ્થિતિ વધારે જ મુખ્ય હોય છે, કારણ કે વાસ્તુ અનુસાર તેનો પ્રભાવ દુકાનના વિકાસ પર પડે છે. 

વાસ્તુનું માનો તો દુકાનનું કેશ કાઉન્ટર એવા સ્થાન પર રાખવું જોઈએ જ્યાંથી કેશિયર દ્વારા આવતા-જતા લોકોને આસાનીથી દેખી શકે. કેશ કાઉન્ટરની દુકાનના મધ્યમાં પણ રાકી શકો છો જેથી વ્યવસાયમાં વદ્ધિ થાય છે. જો કેશ કાઉન્ટરની પાછળ અરીસો લગાવી દેવો જોઈએ તો તેનાથી બિઝનેસમાં વધારે સારો ફાયદો થઈ શકે છે. 

દરવાજે 3 સિક્કા લગાવો, ખણ-ખણ કરતી આવશે મહાલક્ષ્મી!

- દેવીની કૃપા પ્રાપ્તિ માટે આપણા ઘરની સ્થિતિનું શુભ હોવું અતિ જરૂરી છે
- મહાલક્ષ્મીની કૃપા માટે આ સિક્કા ઘણા કારગત માનવામાં આવે છે

ધન સાથે જોડાયેલી સમસ્યાઓના નિરાકરણ માટે જરૂરી છે મહાલક્ષ્મીની પ્રસન્નતા. જે વ્યક્તિથી દેવી લક્ષ્મી પ્રસન્ન થઈ જાય છે તેને હંમેશા માટે રૂપિયા-પૈસાની પરેશાનીઓથી મુક્તિ મળી જાય છે. દેવીની કૃપા પ્રાપ્તિ માટે આપણા ઘરની સ્થિતિનું શુભ હોવું અતિ જરૂરી છે.

વાસ્તુ તથા ફેંગશૂઈ પ્રમાણે જો ઘરના વાતાવરણમાં નકારાત્મક ઊર્જા સક્રિય રહેતી હોય તો આપણને અનેક પ્રકારની પરેશાનીઓનો સામનો કરવો પડે છે. સાથે જ મહાદેવી લક્ષ્મીની કૃપા પણ પ્રાપ્ત નથી થતી. ઘર અને ઘરની આસપાસની નકારાત્મક એનર્જીને દૂર કરવા માટે મુખ્ય દરવાજા ઉપર લાલ રિબીનમાં બાંધેલા ત્રણ ફેંગશૂઈ સિક્કા લટકાવો. ધ્યાન રાખવું કે આ સિક્કા દરવાજાની અંદર તરફ લટકેલા હોવા જોઈએ. એવું માનવામાં આવે છે કે બહાર લગાવવાથી મહાલક્ષ્મી ઘરની અંદર પ્રવેશ નથી કરતી દરવાજા ઉપર જ અટકી જાય છે. આથી, દરવાજાની અંદર તરફ સિક્કા લટકાવો. આ સિક્કાના પ્રભાવથી જ વાતાવરણમાં મોજુદ નકારાત્મક શક્તિઓનો પ્રભાવ ઓછો થઈ જશે અને સકારાત્મક વાતાવરણ નિર્મિત થશે.

મહાલક્ષ્મીની કૃપા માટે આ સિક્કા ઘણા કારગત માનવામાં આવે છે. તે સિવાય ઘરને પૂર્ણતઃ પવિત્ર અને સ્વચ્છ રાખો. કોઈપણ પ્રકારની ગંદકી વાસ્તુદોષ ઉત્પન્ન કરે છે. તો લક્ષ્મીને ખુશ કરવાનો આ ઉપાય અજમાવીને બને માલદાર...

સત્ય બતાવતો અરીસો, પતિ-પત્ની વચ્ચે ઊભો કરી શકે તણાવ

વાસ્તુશાસ્ત્રમાં ઘરની દરેક વસ્તુ ઉપર ધ્યાન આપવામાં આવે છે. કંઈ વસ્તુ ક્યાં સકારાત્મક પ્રભાવ આપે છે તો ક્યાંક નકારાત્મક. આ વાતોને પણ વાસ્તુમાં વિશેષ ધ્યાન રાખવામાં આવે છે તેની અંતર્ગત ઘરમાં અરીસો ક્યાં હોવો જોઈએ તે પણ બતાવ્યું છે. વાસ્તુ પ્રમાણે અરીસામાંથી એક પ્રકારની ઊર્જા બહાર નિકળે છે. આ ઊર્જા કેટલી સારી કે કેટલી ખરાબ હોઈ શકે છે, તે એ વાત ઉપર નિર્ભર કરે છે કે અરીસો કયા સ્થાને લાગેલો છે.

-અહીં ન લગાવો અરીસોઃ-

-વાસ્તુ પ્રમાણે શયન ખંડમાં અરીસો લગાવવો વર્જિત છે. પલંગની સામે અરીસો બિલકુલ ન લગાવવો જોઈએ કારણ કે તેનાથી પતિ-પત્નીના લગ્નજીવન ઉપર ભારે તણાવ પેદાય થાય છે. તેને લીધે પતિ-પત્નીના સારા સંબંધોની વચ્ચે કોઈ ત્રીજા વ્યક્તિનો પ્રવેશ પણ થઈ શકે છે.

-આવી રીતે બચો આઈનાના ખરાબ પ્રભાવથીઃ-

-અરીસાનો નકારાત્મક પ્રભાવ ઓછો કરવા માટે તેને ઢાંકીને રાખવો જોઈએ અથવા તેને કબાટની અંદર લગાવવો જોઈએ. પલંગ ઉપર સૂઈ રહેલા પતિ-પત્નીના પ્રતિબિંબ કરનાર અરીસો તલાક સુધીનું કારણ બની શકે છે. એટલા માટે રાત્રિના સમયે અરીસો દ્રષ્ટિથી ઓઝલ હોવો જોઈએ. છતમાં પણ અરીસો ન લગાવવો જોઈએ.