કોને ખબર?

આમ અચાનક જતા
રહેશો કોને ખબર?

ભીંજાઈને પાછા
સુકાશો કોને ખબર?

અમે તો બેઠા વિશ્વ્વાસના
વ્હાણમાં દોસ્ત!

અર્ધ વચ્ચે ડુબાડશો કોને ખબર!
રણની મઘ્યે ભીનાશ જોઈ હતી અમે,

પહોંચાડી મધદરિયે પ્યાસા રાખશો કોને ખબર?
વિકટ સમયે ઢાલ પણ બન્યા, આઘાત પણ

રહીને પાસ વર્તાશો દૂર કોને ખબર?
અમને ઊભા કરવા મોભ બન્યા તમે જ તો,

ભર ચોમાસે ખસી જશો કોને ખબર?
તોડીને ફૂલો પથ સજાવ્યો અમારો ‘ફોરમ’
આજે પાથરશો નફરત કોને ખબર?

-મહેન્દ્રકુમાર ડી. પરમાર ‘ફોરમ’