દીકરી ચાલી સાસરે

માતા-પિતાની છત્રછાયા છોડી,
સુખ-દુ:ખને સથવારે દીકરી ચાલી સાસરે.

કુટુંબીઓની હુંફાળી લાગણી છોડી,
સાસરાની સંસારરૂપી વાટ પકડવા,

હસતી-રમતી, નાચતી-કૂદતી,
પારકાંને પોતાનાં કરવા… દીકરી…

વીરા, બહેનોના હાથ છોડી,
ભરથારનો હાથ પકડવા,

નાનપણની સહેલીનો અધવચ્ચે સાથ છોડી,
સાસરારૂપી કુટુંબીઓનો સાથ બાંધવા… દીકરી…

પોતાના સમાજને અલવિદા કરી,
બીજા સમાજમાં પોતાપણું પામવા,

છેલ્લે માતૃહૃદય, પિતૃહૃદય સુના કરી લાડલી,
દુલારી સાસુ-સસરાનો પ્રેમ પામવા… દીકરી…
નણંદોનો સાથ માગવા, દીકરી ચાલી સાસરે…

-લીના શાહ, વડોદરા