Gujarati Poems VII

પ્યાર, પ્રેમ, લવ…..

પ્યાર, પ્રેમ, લવ…..
શું ?
સમજુ છું હવે એને સરળ જાણે !!
ફક્ત,
તારા હોવાપણા માંજ મારી જીંદગી સમાયેલી જાણે.
તારી એક ઝલક જોવામાં જ મનની શાંતિ છુપાયેલી જાણે.
તને હસતી રાખવામાં જ મારી મહેનત કામ લાગતી જાણે.
તને મુશ્કેલીઓથી બચાવવાની પ્રાર્થના જ પેલો ઈશ્વર સાંભળતો જાણે.
તું પણ સંગીતનો રાગ છેડવા લાગે એટલા માટે જ ગવાતું મારું ગીત જાણે.
તારા પ્રેમથી છલકાતી લાગણીને શબ્દોમાં સજાવતી મારી રચનાઓ જાણે.
તારા મીઠા અવાજે “જીગર, આઈ લવ યુ” સાંભળવા જ તરસતા મારા કાન જાણે.
બસ,
તને મેળવવાની તમન્ના માંજ મારા ૨૨ વર્ષ વિતાવ્યા જાણે.

----------------------------------------------------------------------------

પ્રેમ

• 
  તારા એકરારની પ્રતીક્ષા કરવાનો એ અદભૂત લાહવો માણીને મારા ૮૪ લાખ જન્મનો જાણે ઉદ્ધાર થઇ ગયો.

• બે ઘડી મારા બોલ જાણે મૂંગા થઇ ગયા,
  જયારે સાંભળ્યો તારા મુખે મારા માટે તારો અવિરત પ્રેમ…
  ઝૂલતો આ જીંદગીના ડગમગીયા સેતુ પર પણ
  હવે તારા સાથથી ‘સ્થિર’.
  શું કહું તને ?
  તારો આભાર માનું કે પછી
  બસ કહ્યા જ કરું કે ‘કરું છું હું પણ તને અપાર પ્રેમ’.

• જ્યારથી તારા એ મધુર સ્મિત અને એના કારણે તારા ગાલ પર પડતા સુંદર ખાડાનું કારણ બનવાનો અવસર મળ્યો છે ત્યારથી પોતે દુનિયાનો સૌથી ભાગ્યશાળી વ્યક્તિ હોવાની અનુભૂતિ કરી રહ્યો છું.

• તારી સાડીના એ રંગબેરંગી પાલવે,
  એ સોનેરી પ્રકાશની હાજરીમાં,
  તારા સૌન્દર્યમાં એવો સુંદર વધારો કર્યો,
  કે લોકો મારા ખુશનસીબ હોવાની ઈર્ષા કરવા લાગ્યા.

- જીગર બ્રહમભટ્ટ