કેડી અજાણ માંડે ચરણ-વનરાજી, સુગંધ, ટહુકા,હરણ..
ભટકુ હું વન સકળ , ને પછી મારામાં આખું વન ભટકે!
ભટકુ હું વન સકળ , ને પછી મારામાં આખું વન ભટકે!
વર્ષા, મિલન બે ઘડી ને પછી યુગથી શુષ્ક જીવન,
જીદે ચઢે સ્મૃતિ, આ મન, ને નયનમાં સાવન ભટકે!
જીદે ચઢે સ્મૃતિ, આ મન, ને નયનમાં સાવન ભટકે!
જમુના તટ, ડાળ કદંબ ને ઓલ્યાં વાંસલડીના સૂર,
મોહનની ભાળમાં વ્યાકુળ પવન, આખુંયે વૃંદાવન ભટકે!
મોહનની ભાળમાં વ્યાકુળ પવન, આખુંયે વૃંદાવન ભટકે!
ઘટના ઘટી એક ક્ષણ ને ફર્યા સૌ નકશા ને ઇતિહાસ,
જણવા ફરી એ ક્ષણ હવે ગગન -ત્રિભુવન ભટકે!
જણવા ફરી એ ક્ષણ હવે ગગન -ત્રિભુવન ભટકે!
મદ સુ ઝરે કંઇ મસ્તકે ને ટપકે ગેબી ગઝલ,
ઝીલવાં અવાક અક્ષરો અહી કેટલાં કવન ભટકે!
ઝીલવાં અવાક અક્ષરો અહી કેટલાં કવન ભટકે!
-ગુરુદત્ત ઠક્કર.
No comments:
Post a Comment