Google Search

Monday, September 24, 2012

લખાય છે



સહેલો વિષય પસંદ કરીને લખાય છે,
જીવતા ન જો લખાય મરીને લખાય છે.
અક્ષરની જેમ લેતી રહે છે વળાંક એ
વાંચો તો માછલીથી તરીને લખાય છે.
શબ્દો જ ખાલી ખાલી હતાં શબ્દકોશમાં
એમાં અનેક અર્થ ભરીને લખાય છે.
કંઈ ના લખાય ત્યારે નથી હોતું કાંઈ પણ,
એક શૂન્યતાથી એમ ડરીને લખાય છે.
લખતો હતો કદીક હું તમને મળી અને
આજે દરેક વાત સ્મરીને લખાય છે.

– ભરત વિંઝુડા

No comments:

Post a Comment