મારું તને સ્મરણ મળે તો બહુ થયું,
તે ય એકાદ ક્ષણ મળે તો બહુ થયું.
સાવ સૂની રાતમાં સાજન તણા
સ્વપ્નનું આંજણ મળે તો બહુ થયું.
ઉફ ! આ એકલ કેડીએ થાકી ગયો,
સાથમાં એક જણ મળે તો બહુ થયું.
આ સૂના નીરસ જીવનના પંથ પર
પ્રેમના પગરણ મળે તો બહુ થયું.
જિંદગીના હાથ પર લખવા નસીબ
શ્રમતણી લેખણ મળે તો બહુ થયું.
આ સતત દ્વિધાભર્યા જીવન મહીં,
ચેનની એક ક્ષણ મળે તો બહુ થયું.
પ્રેમને ‘આનંદ’ જીવન પર્યાય છે,
એટલી સમજણ મળે તો બહુ થયું.
– અશોક જાની ‘આનંદ’
No comments:
Post a Comment