[1]
છે ચમનમાં નિવાસ ફૂલોનો,
લો સજાવો લિબાસ ફૂલોનો.
રેત,રણ,ઝાંઝવા લખી દીધાં,
ક્યાં લખું હું વિકાસ ફૂલોનો.
આ ગઝલની સુવાસ ફેલાશે,
રોજ ખીલે છે પ્રાસ ફૂલોનો.
જિંદગી પારિજાત કરવી છે,
તો કરો સૌ પ્રવાસ ફૂલોનો.
[2]
પઘડી ફેંકી રાવ મળે છે,
આ કેવો સરપાવ મળે છે.
કાંઠે તરણાંના યે ફાંફાં,
ને મધદરિયે નાવ મળે છે.
રણમાં ઊટો પર બેસાડી,
ધગધગ તડકો સાવ મળે છે.
હું ભૂલું છું તમને તો પણ,
કેવા તાજા ઘાવ મળે છે.
આ અલગારી લોકો વચ્ચે,
સંતો જેવા ભાવ મળે છે.
– હનીફ મહેરી
No comments:
Post a Comment