બસ આજ ખુદા સાથે મુલાકાત થઇ ગઇ,
દુનિયામાં વિષયોપર વાત થઇ ગઇ…
દુનિયામાં સઘળા પ્રશ્નોનો હલ માંગ્યો એની પાસે,
જવાબ સાંભળીને એની આંખો નીચી થઇ ગઇ…
બસ આજ…
વાત કરવાનો અવસર થોડો મળ્યોને,
લાગ્યું એવું એના નામની જાણે માળા થઇ ગઇ…
બસ આજ…
‘કવન’ની રચનામાં વસે છે તું ખુદા?
‘હા’માં જવાબ સાંભળી આંસુની ધાર થઇ ગઇ…
બસ આજ…
અંતે આવજો કહીને ચાલ્યા એ જન્નત તરફ,
જતાં એમને જોઇને જાણે વાત અધૂરી રહી ગઇ… બસ આજ…
-કવન આચાર્ય, (સુરેન્દ્રનગર)
No comments:
Post a Comment