તું આવશે ક્યારે જીવન માં

તું આવશે ક્યારે જીવન માં તારી આસ લગાવી બેઠો છું 
ખૂલી આંખો થી કૈક નવીન સ્વપ્ના સજાવી બેઠો છું 

ખોલ્યા નથી હજુ દ્વાર મેં મારી અનોખી દુનિયા ના 
તારા માટે એક અલગ પ્રેમ નગર બનાવી બેઠો છું 

છો ને ઉગતા રહે ગુલાબ કંટકો ની ભરમાળ માં 
હૂં તો દુખ દરિયા પર સુખબંધ ચણાવી બેઠો છું 

બદલતી મોસમ ની મસ્તીમાં મસ્તાન થવું છોડી ને 
મીઠા મધુરા સમય સાટું હૈયે સ્નેહ ટકાવી બેઠો છું

રટયુ હોત રામ નામ તો રામ પણ મળત ફુરસત માં 
છોડી રીતભાત દુનિયા ની તારી ધૂણી ધખાવી બેઠો છું 

થાશે મજબૂર આભ પણ વર્શાવવા વર્ષા ફૂલો ની 
હશે ઠાઠ નિહાર તારી એમ મનને સમજાવી બેઠો છું 

તું આવશે ક્યારે જીવન માં તારી આસ લગાવી બેઠો છું 
ખૂલી આંખો થી કૈક નવીન સ્વપ્ના સજાવી બેઠો છું