એ તમે છો!!!!

હતો હું બગીચાનું ખીલેલું ફૂલ,
પણ મને રણનો કાંટો બનાવનારા એ તમે છો!!!!

શાંત વહેણ હતું મારું આ નદીની માફક,
પણ મને સમંદરનું તોફાન બનાવનારા એ તમે છો!!!!

હતું મારું પણ નામ આ જગતમાં ઉજવળ,
પણ મને બદનામ બનાવનારા એ તમે છો!!!!

અમૃત સમાન પ્રકૃતિ હતી મારી,
પણ મને ઝેર બનાવનારા એ તમે છો!!!!

શાંત નિર્મળ અને કોમળ હૃદય હતું મારું,
પણ મને “જાલીમ” બનાવનારા એ તમે છો!!!!

હંમેશ હસાવતો હતો આ જગતને હું,
પણ મને રડાવનારા એ તમે છો!!!!

ઝેર પીને પણ હું જીવિત રહી ગયો હતો કદાચ,
પણ મને અમૃત પીવડાવીને મારનારા એ તમે છો!!!!

જીતી લીધી હતી આખી દુનિયા મે,
પણ મને છેલ્લી બાજી હરાવનારા એ તમે છો!!!!

હતો હું એક સરસ મજાનો સોફ્ટવેર એન્જિનિયર,
પણ આજે મને શાયર/કવિ બનાવનારા એ તમે છો!!!!

કોઇ દિવસ પણ મેં કોઇનું દિલ નથી તોડ્યું હજું સુધી,
પણ મારા દિલના ટુકડા કરનારા એ તમે છો!!!!

લખું કલમથી આ જ કવિતાને હું મૃત્યું સુધી,
પણ મારી માનીતી આ કલમ છિનનારા પણ એ તમે છો!!!!